انا مرة قرأت ان النكد و الاكتئاب ده بقي استيراد و تصدير شخص يصدره اليك و بالتالي انت تستورده ثم يأتي دورك العظيم و التاريخي في التصدير بدورك الي غيرك
والله لو كان الغير ده انا فانا مثل الاسفينج شديدة الامتصاص لكل الاشياء.
وكان الحل لانني كثيرا ما انفقت مالي علي الطبيب النفساني و الروحاني و الباطني و الجلدي و بتاع الحساسية الكل قال يابنتي كل اللي عندك ده نفسي.
و الحل ايه يا اطبا الحل ايه؟؟؟ الحل يا بنتي انك تبقي باردة يعني ايه يا اخويا ابقي باردة يعني علشان تعرفي تعيشي مع الناس دلوقت لازم تبقي باردة زيهم
واسقط في يدي كيف اترجم هذه النصيحة الي واقع استطيع ان امارسه كيف كيف ؟؟؟؟؟
الحل هو ان اخذ خطوة شمال او يمين عندما تحس ان رصاصة النكد قد اطلقت عليك و تعمل عبده الاهبل او العبيط اختار اللي انت عايزه و تنظر الي المصدر للنكد في عينيه و تقول له انت عامل كده ليه هو فيه ايه او تتركه و تذهب لمشاهدة التلفاز او تقف في التراس او تغسل الاطباق و تغني
وهولاء الاشخاص مستمرون في اطلاق رصاص النكد خلي بالك لو ضعفت لحظة هتلاقي رصاصة منهم في قلبك يا جميل.
هناك تعليق واحد:
جميل الكلام ده بس يمكن اللى ايده فى المية مش زى اللى ايده فب النار ولا ايه
إرسال تعليق