وينفلت من بين ايدينا الزمان كأنه سحبه قوس في اوتار كمان
و تنفرط الايام عود كهرمان يتفرفط النور و الحنان و الامان
الشر شرق و غرب داخل في حوشنا
حوشوا لا ريح شاردة تقشش عشوشنا
حوشوا شرارة تطيش تشقق عروشنا
و تغشنا المرايات تشوش وشوشنا و تهيل تراب علي الهالة و الهيلمان
و ينفلت من بين ايدينا الزمان كأنه سحبة قوس في اوتار كمان
الغش طرطش رشه علي الوش بويه ما دريدش مين بلياتشو او مين رزين
شاب الزمان و الشيب مش شكل ابويا
شاهت وشوشنا توهنا ما بين شين و زين
ولسه ياما و ياما هنشوف كمان
وينفلت من بين ايدينا الزمان كأنه سحبه قوس في اوتار كمان
ليست هناك تعليقات:
إرسال تعليق