ويرفرف العمر الجميل الحنون و يفر و يفرفر بلفة قانون
و ندور نلف ما بين حقيقة وظنون
و بين قسا رحال و هفة جنون
دنياك سكك حافظ علي مسلكك
و امسك بنفسك لا العلل تمسكك
وتقع في خية تملكك تهلكك
اهلك يا تهلك
ده انت بالناس تكون
ويرفرف العمر الجميل الحنون و يفر و يفرفر بلفة قانون
ان درت ضهرك للزمان يتركك
لكن سنابك مهرته تفركك
و ان درت وشك للحياة تسبكك
و الخير يجي بالكوم و همك يهون
ويرفرف العمر الجميل الحنون و يفر و يفرفر بلفة قانون
هناك تعليق واحد:
بجد انا معجب جدا بمدونتك وشرافنى ان حضرتك تزورينا فى مدونتى المتواضعة
تحياتى
البــــــــــحــــــا ر
إرسال تعليق