تضم عائلتي الكثير من البنات و عالم البنات عالم جميل جدا فبنات الخال و الخالة 9 بنات مختلفي الاشكال والاعمار و الميول فمروة بنت خالي محمد شبه فاتن حمامة و الهام شاهين و هاله اختي شبه مروة و الاثنين شبه خالتي سامية التي هي لا شبه فاتن حمامة و لا الهام شاهين
اما منال بنت خالي فتحي شبه ليلي علوي
وريم بنت خالتي سامية شبه صابرين زمان اما مي اختها فهي شبه مادلين طبر و معالي زايد اما داليا بنت خالتي عايدة فهي يابانية الملامح وشقيقتيها لمياء و دينا فانا معرفش هن شبه مين
اما عن الشخصيات و الميول فحدث ولا حرج وهنا سوف اتكلم عن 3 شخصيات فقط هالة اختي ومروة ومنال ليه فقط ساكتفي بهؤلاء 3 لشئ في نفسي بالاضافة لسبب اخر وهو انني اعلم مقدار ما يكنوه لي من عاطفة وحب اعلم انها لن تقل اذا قرأت اي منهن ما كتبته عنهن ولم يعجبها
هالة اختي عندما اراها اتذكرما يقال عن اذا احب الله عبدا حبب فيه خلقه هالة كده كل العيلة بتحبها و تقولها علي كل اسرارها . هالة هي الدبلوماسية في العيلة الذوق و الرقة بعيد عنكم لحد ما تقلب و بالرغم من كده برضه الناس بتحبها دائما عندها قناعة باشياء كتير منها ان انا اظهر غير ما ابطن ويكفي الجميل التي تحمله لي بانها الوحيدة التي تدافع عني امام العيلة انا نسيت اقول لكم عن حب العيلة لي حاجة كده تحت ال15% و غلبت افهمها ان انا مايهمنيش راي حد فيا و خصوصا عيلتنا لان انا فاهمة كل واحد يا بنتي شخصيته ونفسيته عاملة ازاي و لكن كيف لها ان تترك فرص الدفاع عني ميرسي يا سيتي
كذلك عندها قناعة بانها عبدة ربنا الصالحة و الغلبانة اللي بتفهم كل حاجة و اهم حاجة انها اجمل واحدة في الدنيا و بالطبع هي اكتر واحدة متواضعة ايضا و عندما يصيبها بعض الاكتئاب اكيد لآننا احنا معاها
دائما تريد من يقوم بدلا عنها بكل الاعمال المنزليه بل و الحياتية هي لا تريد اي شئ الا ان تجلس و اي حد يعمل لها مساج لاصابع قدمها علي طول كده طول ما هي قاعدة و حدتاني يستشور لها شعرها و حد تالت يعمل لها شاي و سندويتش و حد رابع يغير قنوات tv وحد خامس يفتح الباب و كده يعني
اما اصدقائي انا فهاله هي صاحبتهم الانتيم وذلك لان ارائي انا بالطبع مقرفة و مش بتعجبهم وكده يعني شوفتم انا عايشة مع ايه
اما مروة بنت خالي محمد فهالة بالطبع صديقتها الانتيم برضة مروة كده اول ما تشوفها تحس ايه الوداعة و الرقه دي يا ربي الي ان تتكلم انا ما اعرفش هي كده و لا بس معايا نكد تبدا تكلمني عن الموتي من ابيها الي امي الي ابي الي جدتها الي خالتها و بعد ذلك الاحلام و تفسيرها كانت اول كلمة صدمة لي في احد الايام ان نهاية الاحلام بالنسبة الي اي فتاة هي ارتدائها فستان الفرح بعد كده خلاص ياماما بح شطبنا جبرت علي كده و بالرغم من انني اكبر منها سنا الا انني انظر اليها و اقول لها يعني اية يا مروة حرام عليك كده انا مش حملك تخيل كده فاتن حمامه و هي تنظر اليك بمنتهي الرقة و تقولك امال انتي فاكرة ايه انتم عبط و لا ايه
و بالرغم من انها تزوجت اول واحدة في العيلة وخلفت عمر ونهي انما ارائها اراء عوانس او عواجيز الفرح حاجة كده كبب
ولكن اجمل شئ وجدتها تنظر لي مرة و تقول لي انا معرفش بابا كان بيحبك ليه عشان ايه يعني
اما منال فحدث و لا حرج حاجة كده من محرم بك شخصيتها حلوة و متفائلة علي طول دي فعلا بنت الناس اللي مش بتقول لا علي اي حاجة ما تيجي نعملها اما ميولها ياربي حاجة كده شعبي اوي اوي اوي و الوانها كلها فوشيا و احمر وازرق و لبني و روز و كلها حاجات لايقه عليها هي دي شخصية الحفلات و التجمعات اول ما تدخل تقلب المكان الي فرح راقص و الاهم انها لا تتعب الجميل منال انها حلوة مع اللي بتحبه و بس وبس و اللي مش بتحبه يا ربي حاجة كده مش لطيفة
اه ومنال ساعات كتير بتتكسف و دائما تريد تغير اي شئ فيا عندما تراني و تقول لي انت عاملة كده ليه البسي كده انا هاغير مكياجك و لون شعرك ايه االالوان الغامقة دي هي الحكاية ناقصة
منال هي في كتير بنت بحري اهم حاجة ما تكلمتش فيها عن منال هي ارائها و مبرراتها غريبة كل حاجة تنفع و ليه لأ
ليست هناك تعليقات:
إرسال تعليق