انت برضة

من فيلم كتيبة اعدام
عندما نظر اليهم ابو خطوة وقال لهم انت هتموتوا جعانين
فنظر اليه حسن وقال له
احا هنموت جعانين
بس انت برضة هتموت
شبعان

رجل الواقع

لم اكن في حياتي كلها محتاجة الي شخص يجرب معي يا صابت يا خابت مش محتاجة لشخص نستكشف معا الجديد في انفسنا
اللي انا محتاجاه حد ناضج يعرف الشخصية التي امامه شخص كده محترف يستطيع ان يخرج مني اجمل المشاعر و الاحاسيس

بصراحة محتاجة حد ياخدني كده علي قد عقلي اي يعمل كل اللي انا عايزاه و هو امن لردة فعلي انها ِ دائما ستكون مكسب له
يا سادة هناك نوع من النساء عنيد حتي مع نفسه يحمل في عقله دائما المثل القديم الكبر قاتلنا بس بخاطرنا
بكل اسي انا من هذا النوع انا لست فخورة بذلك و الدليل ان هناك محاولات كثيرة مني قديمة و حديثة لاصلاح و تهذيب ما في عقلي وكثيرا ما تبؤ هذه المحاولات بالنجاح و حتي استطيع الي المستوي الانسب من المعقولية و العادية انا في انتظار ليس فارس الاحلام و لكن رجل الواقع

هما و احنا

هما مين واحنا مين ......؟
هما الامراء و السلاطين
هما المال و الحكم معاهم
و احنا الفقرا المحرومين
حزر .. فزر
شغل مخك
شوف مين فينا بيحكم مين


احنا مين و هما مين
احنا الفعلا و البنايين
احنا السنة و احنا الفرض
احنا الناس بالطول و العرض
من عافيتنا تقوم الارض
و عرقنا يخضر بساتين
حزر فزر شغل مخك
شوف مين فينا بيخدم مين

هما مين و احنا مين
هما الامراء و السلاطين
هما الفيلا و العربية
و النساويين المتنقية
حيوانات استهلاكية
شغلتهم حشو المصاريين
حزر فزر شغل مخك
شوف مين فينا بياكل مين
احنا مين و هما مين


احنا قرنفل علي ياسمين
احنا الحرب حطبها و نارها
و احنا الجيش اللي يحررها
و احنا الشهداء بكل مدارها
منكسرين او منتصرين
حزر فزر شغل مخك
شوف مين فينا بيقتل مين


هما مين و احنا مين
هما الامراءو السلاطين
هما مناظر بالمزيكا
و الزفة و شغل البوليتيكا
و دماغهم طبعا استيكة
بس البركة بالميادين
حزر فزر شغل مخك
شوف مين فينا بيخدع مين

هما مين و احنا مين
هما الامراء و السلاطين
هما بيلبسوا اخر موضة
و احنا بنسكن 7 في اوضة
هما بياكلوا حمام و فراخ
واحنا الفول دوخنا و داخ
هما بيمشوا بطيارات
واحنا نموت بالاوتوبيسات
هما حياتهم بمبي جميلة
هما فصيله و احنا فصيلة


حادي يا بادي يا عبد الهادي
ياللي عليك قصد الغنوة دي
لما الشعب يقوم و ينادي
ياحنا ياهما في الدنيا حزر فزر
شغل مخك شوف مين فينا هيغلب مين

احمد نجم

الراجل الحر

والراجل الحر حر
و لو زمانه جار
يمشي في طريقه لا يخشي الشوك و لا الاحجار
و يرعي شيبه ابوه
و يراعي حق الجار
و يكبش النار
و ياخد التار من الفجار

سيد حجاب

هما بيقولوا

بيقولوا الصبر طيب
كفاية العمر عدي
وانا واقف مكاني
و اللي يعدي النهاردة مش راجع بكرة تاني

من هنا و رايح يا جورج

انا من هنا و رايح
انا قلبي هيسامح
مابقتش مستهلة
اكره و لو وهلة
كل الجراح سهلة دواها بقي واضح

اليوم فقط

اليوم فقط الحاضر هو فقط صديقك
اما الغد فلن اقول عدوك ولكنه لا يفعل شيئا سوي ان يسرق منك كل احلامك و امانيك و يسرق منك اليوم .
لقد وضعت كل ثقتك في الغد
و انا لا اعتقد ان الغد قد وعدك بشئ .

هل صحيح ان الغد قد وعدك بشئ ؟

ابن البلد

مش شرط ان قوة الشخصية تعني انك ابن بلد او بنت بلد
صفات ابن البلد عزيزة جدا و مفصلة جدا و قيمة و حاضرة و مش اي حد ابن بلد ابن البلد يعني حسن ابو العلا في سواق الاتوبيس و فارس في الحريف

ابن البلد مش البلطجي و لا الحلنجي و الفهلوي ولا اللي بيأكلها والعة ب

باختصار ابن البلد مش نصاب

ابن البلد يقطع دراعه و مايمدهاش لحد و لما يعشق علي راي الاغنية يبيع اللاسة و الهدمة و كمان ينقط بطاقيته

يعني راجل و جدع مش شرط غني بس ساعة الشدة تلاقيه وتتسند عليه

و والاهم انه يفهمها و هي طايرة

صفات مش معجزة هي صفات موجودة جوانا كلنا احنا ولادالبلد بجد مش هزار احناو بس ولاد البلد مفيش زينا و ياعم لو دار الزمان و حط علينا شوية او شويتين مش مهم ادينا بنتجمز بالجميز لحد ما يجيينا التين

افكار النكسة ( سينما البهائم)

هي فوضي , حين ميسرة,ابراهيم الابيض , دكان شحاته ,كباريه
ملمح جديد للسينما المصرية عنوانه كلمونا بالهجايص كل هؤلاء حجتهم انهم يرصدون الواقع و اذا كان هذا هو الواقع فما هو الجديد علي فرض وجوده فنحن نعرفه بمعني ايه الجديد بالرغم من شدة تحفظي علي ان يوسم الشعب المصري بالبلطجة و اغلبيته مخدرة و مريلة و اصبحت الحرة فيه بالفعل تأكل بثديها.
ذكروني بهوجة افلام المخدرات وزواج المصريات من العرب
هل هذه هي الرسالة التي يتلقاها الانسان المصري انت هكذا و يتعلمها الطفل و الشاب و الفتاة
اين هذه الافلام من فيلم العصفور من فيلم الارض من فيلم سواق الاتوبيس او فيلم كتيبة اعدام فيلم البرئ او حتي من فيلم الحريف
الم تحتوي هذه الافلام علي جميع انواع اليشر الصالح و الطالح
الاهم انها كانت تعلي من قيمة و فعل الانسان المصري
اين شحاتة هذا ولا ابراهيم و لا ابطال كباريه من محمد ابو سويلم اين محمد ابو سويلم اين علي طه في القاهرة 30
اين يوسف في العصفور
اين الرجل الذي يحمل بالفعل هذه الصفة فيما نراه الان
اين صفات ابن البلد
الكل لقي مشكلة و عمقها و فعلها و دورها و حورها و خلاها في حجم الكرة الارضية ولكن السؤال هو اين الحل
اه نسيت السينما ترصد الواقع فقط و ليس عليها تقديم الحلول.

نكتة

اتنين بلدياتي كانوا بيلعبوا شطرنج الملك ماتِ مشلول

قارب نجاة يا هالة

هالة اختي فتحت صفحات المدونة امام زملائها في العمل لتخبرني بعدها ان موضوع انا و انت احرجها حيث ان الموضوع رومانسي شويه
اقولك ايه يا بنتي
قارب نجاه صرخت
قالوا مفيش
غير بس هو الحب قارب نجاة

هي حالة او نصف حالة

مش حب يعني هي حالة او بمعني اوضح هي نصف حالة
انا أحب انا و انا معاه يعني انامعاه في حالة جميلة
حالة مش انا دلوقت
حالة انا زمان
معاه انا في حالة ايجابية دائما

حالة

و ترن من تاني نفس النبرة في وداني
و مؤشر الفرحة يتحرك في وجداني
و اغاني وحشاني بأتذكرها ملهاش عد
فيه شيْ حصل او بيحصل او هيحصل جد
او ربما الآمر حالة وجد وخداني
انا الي ياما الهوا جابني ووداني
و كلام علي لساني لابد اقوله لحد

صلاح جاهين

الي الناس

الي الناس الناس ... فتافيت الماس
انا مش المسيح عشان اقولكم
طوبي لكم .. غلبكم
لكني بأحلف لكم .. باحلف بكم و بأقول
الدنيا كدب في كدب
و انتوا بصحيح

صلاح جاهين

مين او فين

مين يقول لي ارمي همومك و حمولك علي
حتي لو انت مش عايزة او قادرة
بالغصب و الامر احنا نشيلها عنك

انا و انت

عندما اراه لا اتمني شيئا الا ان اجلس بجواره لا انظر اليه و لكن انظر امامي

جالسة انا صامتة و هو كذلك لا اريد ان اشعر الا باستمرار وجوده بجانبي فقط

اما ما بيننا فانا فقط وحدي اشعر به الصمت الذي بيننا كله كلام .

الاحساس نعمة

من الاشياء العجيبة في الانسان فعلا ان الذي يؤثر فيه الذوق و الادب و الرقة كل هذه الاشياء هي التي تكسره لا اريد ان استعمل هذا اللفظ و لكنه هو اللفظ الصحيح اللين يكسر كل السئ داخل الانسان يكسر الغلظة و التنمر
بصراحة هذا ما تعلمته الان بعد كل العمر ده الان فقط استفيد من كلمة
امي خدي لك من كل بيت حبيب و لاتاخدي لك من كل بلد عدو
ملحوظة( هذا الكلام لا يصدق علي كل الناس يا سادة النظرية شئ و التطبيق شئ اخر انا اكتشفت ان الناس عندها كمية ضخمة من البرادة و ليس فقط البرود و حينما اتذكر كلام امي هذا اتذكر مثل اخر اكثر مناسبة للمحيطين بي يرون القشة التي في عين الغير و لا يرون النبوت اللي في عينهم ) اقول ايه ياربي الاحساس نعمة

بدونه

نظر اليها متعجبا كيف لك ان تتحملي منه هذه القسوة
فاجابته انظر هناك
فتوجه بعينيه الي المكان الذي اشارت اليه فوجد نبتة كبيرة من الصبار
فلم يفهم ما تقصده
فردت علي نظرته المتسائلة قائلة انا بدونه مثل هذه النبتة مثل الصباراقف وحيدة تملاني الاشواك.

لجوء

اخواني اخواني ,
اذا كان الحبيب هو الوطن فانا بلا وطن
مضطرة اكسر جمال اللحظة و درامية الفكرة و اضيف انني زمان كنت لا اقبل لكنني الان مضطرة للجوءالسياسي

انت ..... كلمة من نور

وجدت ابنتها الصغيرة تأتي و تذهب قطعة من الجمال تمشي امامي مثل القطة تتلمسني و تبعد كانها تختبرني هل تصاحبني ام تذهب بعيدا عني و فجأة وجدتها تأتي لتجلس بجانبي و تهمهم بكلام و اشارات بعضها مفهوم ثم وجدتني اخذها في يدي و جعلت اتلمس شعرها و هي تبتسم لي و بجانبي تجلس امها منال و مازالت منال مستمرة في الكلام عن نفسها و عن المواقف التي واجهتها في الفترة التي لم التقي بها فيها وهي فترة قد تطول او تقصر تحكي الاخبار التي اعرفها او التي لا اعرفها تضيف اليها و تعدل فيها و في كثير من الاحيان تاتي لي بالجديد من كل شئ.
هكذا هو حالي و حالها عندما نري بعضنا كل اللي فات نحكيه حتي الاحلام التي رايناها من اسابيع خلت و انا ما زلت املس علي شعر الصغيرة ووجدتني انظر الي منال و اقول لها ممكن تسكتي شوية فاذا بها تضحك و تردعلي ليه ليه فرددت عليها علشان اكلم نور شوية ثم قلت للصغيرة ايه الجمال ده انتي طالعة حلوة قوي كده لمين ( سؤال غريب لان امها تشبه ليلي علوي ايام الكلبظة )
طب ايه الشعر الجميل ده ده ناعم خالص و بيلمع قوي؟ طيب ده بقي جايباه منين و الصغيرة نور تضحك و تلاعب يدي
فاذا بامها تنظر الي بتعجب و هي ترد علي سؤالي قائلة شعرها زي شعرك يا اميرة فنظرت اليها و انا انتظر اشارة هزار و لكنها كانت مستمرة في نظرتها المتعجبة و هي تقول ايه ده انتي نسيتي شعرك .
لحظتها فقط تذكرتني .
و توقف عقلي قليلا عن التوهة التي غالبا ما اشعر بها وفي لحظة توقف كل شئ من حولي و بات الصمت يخيم علي ما حولي لانظر الي منال و ابنتها و احس لحظتها بنور يغمرني او بالحياة تستيقظ في داخلي واشعر فعلا ان هناك من الكلمات ما هو نور وبعض الكلمات قبور
هي كلمة بسيطة مازلت استشعرها يا منال خاصة عندما اواجه اناس مريضة اجد كلمة واحدة ترن في اذني و تضئ عيني ....... انت يا اميرة